FORO Nº 21 "DEBATE DA ESQUERDA"

Trotski e a revolución socialista hoxe

Trala caída do muro de Berlin asistimos a unha abafante ofensiva ideolóxico mediática que certificaba a vitoria final do capitalismo a nivel global e o enterramento definitivo de calquera modelo alternativo de sociedade. Boa parte dos dirixentes da esquerda colaboraron con este discurso: pregoaron a fin da loita de clases e a inutilidade das ideas que forneceron o movemento obreiro durante 150 anos. Renunciar a dar a batalla no terreo das ideas é renunciar a transformar a sociedade.
Hoxe, dende Venezuela, Bolivia ou México ata as rúas de Vigo, a loita de clases dá mostras de estar viva, reflexando a necesidade dun programa político revolucionario. Para iso, cómpre botar a vista atrás e recuperar as ideas e tradicións que impulsaron á clase obreira a tomar o poder e construir o primeiro rexime socialista da historia en Rusia. Alí, o Partido Bolxevique de Lenin e Trotski foi quen de conxugar teoría e práctica revolucionaria. As ideas do marxismo alimentaron a estes dous grandes revolucionarios aos que nos lles temblou o pulso ante as tarefas históricas da clase obreira rusa. Á morte de Lenin, León Davidovich Bronstein, Trotski, recolleu o seu legado e portou a antorcha das xenuinas ideas marxistas na loita contra a burocratización do réxime encarnada por Stalin. Este combate costoulle caro, converteuse no dirixente revolucionario máis perseguido da historia, tanto polos gobernos burgueses como pola burocracia soviética, que estaba a liquidar á vella garda bolxevique. Para varias xeracións de comunistas afectados polas mentiras oficiais do estalinismo, Trotsky era o diaño; o colaborador do fascismo, cando non o "tolo ultraesquerdista" que coma un profeta delirante falaba de "revolución mundial" sen entender de "condicións obxectivas". O único que osaba criticar ao réxime burocrático "facendo o xogo ao imperialismo”. Finalmente, en 1940, Trotsky, o compañeiro de armas de Lenin, o presidente do Comité Militar Revolucionario en outubro de 1917, o fundador da III Internacional e organizador do exército vermello, caía asasinado polo golpe mortal dun piolet.”.
León Trotsky mantivo a continuidade do programa marxista, do internacionalismo e a independencia de clase na actuación das forzas revolucionarias. Hoxe preséntase coma un referente para todos aqueles que buscan unha explicación consecuente ao derrumbe do chamado "socialismo real" e á crise da sociedade capitalista, coma un punto de apoio imprescindible á hora de construir unha alternativa revolucionaria no século XXI.

Utopía Foro Comenza o Debate da Esquerda

UTOPÍA-FORO COMENZA O DEBATE DA ESQUERDA
que ate agora estivo sendo realizado na rede.

O XOVES 25 DE OUTUBRO UTOPIA FORO realizará o seu primeiro DEBATE DA ESQUERDA que será presentado por XAQUÍN PASTORIZA CERVIÑO, membro da Fundación Engels.

Neste caso a exposición e debate farase sobre LEÓN TROSTKY.

A figura e os plantexamentos políticos deste líder da revolución rusa, serviranos para analizar unha das corretes do comunismo histórico.

Á morte de Lenin duas concepcións (a de Trostky e a de Stalin) do socialismo, que resultaron ser irreconcialibles, enfrentaronse a morte. O triunfo de Stalin cambiou o futuro de comunismo, e mesmo de mundo. Deficil sería imaxinar como tería sido a historia se fora Trostky o que lograse impor os seu criterios.

Dado que as correntres estalinista e trostkysta chegaron ate hoxe dentro da esquerda, parécenos fundamental analizar as suas implicacións e influencias na situación da esquerda hoxe, a valize ou non dos seus plantexamentos.

foro nº 21 "DEBATE DA ESQUERDA"

Co foro nº 21 comenza o DEBATE DA ESQUERDA, que até agora viñemos mantendo na nosa páxina web.Pretendemos facer a analise máis rigurosa e non dogmática de que sexamos capaces. O únIco ponto de partida é a nosa situación radical e intransixente frente ao capitalismo. A única verdade incuestionábel é a de saber que si ese sistema logra a victoria total nesta loita, e a desmovilización de todos aqueles que queren cambialo, a vidae o planeta non terán futuro algún.Outra cousa parécenos obvia: insistir no que, ao longo do último século, se demostrou como inoperante, grotesco e mesmo criminal, parécenos irracional.A partir desta verdade todo é discutíbel e cuestionábel. Somos fillos dun imenso, frustrante e doloroso fracaso.A gran batalla que ao longo do S. XX se librou no mundo contra o capitalismo terminou cun estrepitoso fracaso das forzas anticapitalistas. Feito que si ben se visualizou na caída do muro de Berlín, viña sendo arrastrado desde moito tempo antes, quizáis desdeo mesmo ponto de partida.Ningunha das tendencias, formas, sensibilidades, concepcións, matizacións, liñas, comprensións... saidas de Marx acertou ou conseguiu vencer, foi capaz de levarnos a unha sociedade sen clases, xusta e libre.E aínda nos casos que o parecía facer, non foi máis que un espellismo de finais tráxicos. E os restos dese imenso naufraxio que sobreviven hoxe só son un recordatório patétio da nosa derrota.Con este debate pretendemos analizar os erros habidos, descubrir as posibilidades que temos nesta loita sen fin, analizar se as ferramentas que viñamos empregando serven ou non, se as formas, os modos, as enerxías son as que hoxe se precisan ou que cambio precisan...Nen é certo que a historia rematase, nen que debamos resignarnos a que o capitalismo sexa o unico sistema posíbel, nen que a loita de clases se esfumara na pira do mercado. E só intentar descubrir como debe ser a loita no S. XXI.

UTOPÍA FORO